திராட்சை மற்றும் உலர் திராட்சையில் மனித உடலுக்கு தேவையான பல நன்மைகள் நிரம்பியுள்ளன.
இரும்புச்சத்து அளவை அதிகரிக்கவும், எலும்புகளை வலுவாக வைக்கவும் உதவும்.
எலும்புகள் மற்றும் பற்களை வலுவாக வைத்திருக்க உதவுவது முதல் காய்ச்சலில் இருந்து விடுபடுவது வரை, திராட்சை பல வியாதிகளைத் தடுக்கவும், உடல் ஆரோக்கியமாக இருக்க உதவும்.
திராட்சையில் கிடைக்கும் ஐந்து ஆரோக்கிய நன்மைகள் :
இரத்த அழுத்தத்தைக் குறைக்க
தினமும் ஒரு சில திராட்சை சாப்பிடுவது இரத்த அழுத்தத்தைக் குறைக்க உதவுகிறது. “இரத்த அழுத்தத்தில் லேசான அதிகரிப்பு உள்ளவர்களுக்கு, ஒரு நாளைக்கு மூன்று முறை திராட்சையை வழக்கமாக உட்கொள்வது இரத்த அழுத்தத்தை கணிசமாகக் குறைக்க பெரிதும் உதவும். திராட்சையில் பொட்டாசியம் சத்து அதிகம் இருப்பதால் இது இரத்த அழுத்தத்தைக் கட்டுப்படுத்த உதவுகிறது.
இரும்பு குறைபாடு இரத்த சோகைக்கு தீர்வு
திராட்சையில் இரும்பு மற்றும் வைட்டமின் பி-கலவை நிறைந்துள்ளது. உங்கள் தினசரி உணவில் ஒரு சில திராட்சையும் சேர்ப்பதன் மூலம் இரும்புச்சத்து குறைபாடு நீங்கி இரத்த சோகைக்கு சிகிச்சையளிக்க முடியும். மேலும் இரத்த சிவப்பு அணுக்களை புதிதாக உருவாக்கத் தேவையான தாமிரத்தின் நல்ல ஆதாரமாக உள்ளன.
எலும்புகள் மற்றும் பற்கள் வலுபெற
1/2-கப் திராட்சையில் 36 மில்லிகிராம் கால்சியம் உள்ளது. எலும்புகள் மற்றும் பற்களின் ஆரோக்கியத்தை பராமரிப்பதில் கால்சியம் மிக முக்கிய பங்கு வகிக்கிறது.
காய்ச்சலுக்கு சிகிச்சை அளிக்க
காய்ச்சல் ஏற்படும் போது உடல் வெப்பநிலையைக் குறைப்பது உட்பட நிறைய நன்மைகள் திராட்சைக்கு உள்ளன. இதில் பல ஆண்டிபயாடிக் மற்றும் கிருமிநாசினி பண்புகள் உள்ளன, அவை உடலில் வைரஸ் மற்றும் பாக்டீரியா தொற்றுகளைத் தடுக்க உதவுகின்றன.
மலச்சிக்கலுக்கு சிகிச்சையளிக்க
திராட்சை நார்ச்சத்து நிறைந்த ஆதாரமாகும். நார்ச்சத்து நிறைந்த உணவு செரிமான செயல்முறைக்கு உதவுகிறது. இது உடலில் உள்ள “கெட்ட” குறைந்த அடர்த்தி கொண்ட கொழுப்புப்புரதம் மற்றும் கொழுப்பை கட்டுப்படுத்த உதவுகிறது.